Fariz Yusifov ofsaydda

12.12.2009 - 12:05

Unibank Premyer Liqasının XV turunun oyunlarını idarə edəcək hakimlər məlum olub. Apasport.az-ın Peşəkar Futbol Liqasının rəsmi saytına istinadən məlumatına görə, Hakimlər Komitəsi sabahkı görüşlərə təyin etdiyi ədalət təmsilçilərinin adlarını açıqlayıb. Turun Zaqatalada keçiriləcək mərkəzi oyunu Əfqan Həmzəyevə tapşırılıb. O, hazırda turnir cədvəlinin ilk “altılığ”ında qərarlaşan iki komanda – “Simurq”la “Bakı”nın oyununu idarə edəcək. FİFA referisi Fariz Yusifov isə çox güman ki, ötən həftə buraxdığı səhvlər ucbatından təyinat almayıb. O, “Standard” - “Bakı” (3:4) matçında yol verdiyi nöqsanlardan sonra artıq ikinci turdur məcburi istirahət edir.

13 dekabr (bazar)

14:00. "Muğan" - "Neftçi"
Hakimlər: Vüsal Əliyev, Vaqif Musayev, Mübariz Haşımov, Əmrah İbrahimov
AFFA nümayəndəsi: Əliyar Xanəliyev
Hakim-inspektor: Əhmədağa Cabbarov
Salyan Olimpiya Kompleksinin stadionu

14:00. "Qəbələ" - "Karvan"
Hakimlər: Rauf Cabbarov, Mehman Mahmudov, İsgəndər Əliyev, Elvin Əsgərov
AFFA nümayəndəsi: Ramiz Abdullayev
Hakim-inspektor: Akif Məmmədov
Qəbələ şəhər stadionu, süni meydança

14:00. "Turan" - "Xəzər Lənkəran"
Hakimlər: Rasim Məmmədov, Ramiz Əsədov, Elşən Durmuşov, Hacıəli Ağayev
AFFA nümayəndəsi: Vaqif Məmmədov
Hakim-inspektor: Novil İsmayılov
Tovuz şəhər stadionu

14:15. "Standard" - "Qarabağ"
Hakimlər: Zöhrab Əliyev, Munis Abdullayev, Ruslan Babayev, Ramil Diniyev
AFFA nümayəndəsi: Mübariz Hüseynov
Hakim-inspektor: Şahin Cəfərov
M.Hüseynzadə adına Sumqayıt şəhər stadionu

16:00. "Olimpik-Şüvəlan" - "İnter"
Hakimlər: Elnur Muradov, İlham Əliyev, Azər Əsgərov, Ceyhun Haşımov
AFFA nümayəndəsi: Məlik Həsənov
Hakim-inspektor: Orucəli Durmuşov
Bakı. "Şəfa" stadionu

18:00. "Simurq" - "Bakı"
Hakimlər: Əfqan Həmzəyev, Azər Məmmədov, Roman Vasilyev, Azad Mütəllimov
AFFA nümayəndəsi: Məmmədəli Məmmədov
Hakim-inspektor: Gülağa Cabbarov
Zaqatala Olimpiya İdman Kompleksinin stadionu