“Turan”ın legioneri Doroşu da keçdi

15.12.2009 - 00:00

Tovuzun “Turan” klubunun futbolçusu Oleq Xromtsov Unibank Premyer Liqasının ən məhsuldar legioneridir. Apasport.az saytının məlumatına görə, əvəzedici komandaların XV turunun dünən keçirilən qarşılaşmasında iki qol vuran moldovalı hücumçu cari çempionatdakı qollarının sayını 8-ə çatdırıb.

Əsas komandada 1, əvəzedici heyətdə 7 dəfə qol sevinc yaşayan Oleq həmyerlisi Anatoli Doroşu da arxada qoyub. Xatırladaq ki, “Olimpik-Şüvəlan”ın əsas komandasının futbolçusu bu çempionatda 7 qol vurub. Cari mövsümü “İnter” (3:2) və “Simurq”un (4:1) əvəzediciləri ilə oyunlarda dubla imza atan Xromtsov üçüncü belə uğuru ilə “Xəzər-Lənkəran”ın darmadağının səbəbkarı olub. Moldovalı daha bir qolunu “Bakı”nın əvəzedicilərinə (3:0), əsas komandada isə “Neftçi”yə (2:3) vurub.

"Simurq" - "Bakı" – 2:3
Asim Babazadə, 24; Laçın Şəkərov, 31 - Şəhriyar Əliyev, 7; Nicat Abdullayev, 8; Yamin Ağakərimzadə, 53

"Qəbələ" - "Karvan" – 1:0
Hüseynəli Novruzov, 13

"Turan" - "Xəzər Lənkəran" – 4:0
Oleq Xromtsov, 13; 78; Azər Məmmədov, 34; Cavid Tağıyev, 62-p.