Anqolanın hüquq-mühafizə orqanları Toqo yığmasının avtobusunu güllələməkdə şübhəli bilinən iki şəxsi həbs edib. Apasport.az saytının məlumatına görə, həmin şəxslər hadisənin törədilməsində məsuliyyəti öz üzərinə götürən “Kabinda Müstəqil Cəbhəsi”nin (FLEC) üzvləridir.

“FLEC-in iki nümayəndəsi həbs olunub. Onlar hadisənin baş verdiyi yerin yaxınlığında, Anqola və Konqo sərhədində yerləşən Massabi şəhərinə gedən yolda saxlanılıblar” - deyə Anqolanın baş prokuroru Antonio Nito vurğulayıb.

Xatırladaq ki, hadisə yanvarın 8-də baş verib. Toqo futbolçularının yer aldığı avtobus Konqodan məşqdən qayıdan zaman gülləbarana məruz qalıblar. Nəticədə 3 nəfər həlak olub, 9-u isə yaralanıb.

• İsmail Kartal Super Liqaya qayıdır
• "Siti" "Yunayted"in rekordunu təkrarlayıb
• "Malmö" ilə matçdan öncə "Qarabağ"da itki
• "Mançester Siti"nin futbolçusu həbs edilib
• Argentina klubunda istefa