Toqo milli komandasının və İngiltərənin “Mançester Siti” klubunun futbolçusu Emmanuel Adebayor tamaşaçıları təəccübləndirib. Apasport.az saytının məlumatına görə, 26 yaşlı hücumçu “Afrikan” TV-də yayımlanan bir proqrama hazırda şərəfini qoruduğu “Mançester Siti”nin deyil, qalmaqalla ayrıldığı “Arsenal”ın formasında çıxıb.

Verilişdə əsasən Afrika Millətlər Kuboku ərəfəsində yığmanın silahlı hücuma məruz qalması barədə danışan Adebayor keçmiş komandasının formasını geyindiyinin heç fərqinə də varmayıb. Görünür, silahlı basqından sonra Emmanuel hələ də özünə gəlməyib. Axı, həmin hücum zamanı öldürülən 3 toqolu ilə yanaşı, onun də həyatı təhlükə altında olub. Təsadüfi deyil ki, “Mançester Siti”nin baş məşqçisi Roberto Mançini psixoloji sarsıntı yaşamış gənc futbolçuya müddətsiz istirahət verib.

• Fernandeşin cəzası ləğv edildi
• "Udineze"də fransalı müdafiəçi
• “Qalatasaray”da ciddi itki
• Çempionlar Liqası matçı ləğv olundu
• Yürgen Klopp ordenlə təltif olundu