17 yaşadək futbolçulardan ibarət Azərbaycan milli komandası Belarusun paytaxtı Minskdə keçirilən beynəlxalq turnirin qrup mərhələsini başa vurub. Apasport.az saytının məlumatına görə, üçüncü turun oyununda Rusiya yığması ilə üz-üzə gələn Oliver Pelzerin yetirmələri böyük hesablı məğlubiyyətə üzülüb – 0:3.

Şimallılar matçın taleyini ilk 24 dəqiqədə vurulan 3 qolla həll edib. İlk iki turda Moldovaya 0:1 uduzub, Latviya ilə 1:1 hesablı heç-heçə edən futbolçularımız B qrupunda sonuncu yeri tutub. Buna qrupumuzda keçirilən digər oyunda Moldova və Latviyanın hərəyə 1 qol vurub 1 xal qazanması səbəb olub.

Millimiz final oyunlarının keçiriləcəyi yanvarın 16-da 7-ci yer uğrunda mübarizə aparacaq. Saat 12:00-da başlayacaq görüşdəki rəqibimiz bu gün başa çatacaq A qrupunun son oyunlarından sonra rəsmiləşəcək. Lakin indidən bu komandanın meydan sahibləri olacağını ehtimal etmək olar.

1	Rusiya	3	3	0	0	6-0	9
2	Moldova	3	1	1	1	2-3	4
3	Latviya	3	0	2	1	2-3	2
4	Azərbaycan	3	0	1	2	1-5	1

• Fernandeşin cəzası ləğv edildi
• "Udineze"də fransalı müdafiəçi
• “Qalatasaray”da ciddi itki
• Çempionlar Liqası matçı ləğv olundu
• Yürgen Klopp ordenlə təltif olundu