Portuqaliyanın “Uniao Leriya” klubunun futbolçusu Huqo Qomesin Bakının “İnter” komandasına keçidində problem yaranıb. Apasport.az saytının məlumatına görə, 31 yaşlı sağ cinah müdafiəçisinin karyerasını Azərbaycanda davam etdirməsinə iki klub arasında razılığın əldə olunmaması mane olur.

Bir müddət əvvəl danışıqlara başlayan “İnter” və “Uniao Leriya” klubları ilkin razılıq əldə edib. Lakin tərəflər ötən həftə həmin anlaşmanın şərtlərinə düzəlişlər etmək qərarına gəlib. Həmin düzəlişlərlə bağlı ortaq məxrəcə gələ bilməyən klublar danışıqları yarımçıq dayandırmağa qərar verib.

Qeyd edək ki, Qomes əvvəllər “Farense”, “Beja”, “Almansilense”, “Pontossalense” klublarında da oynayıb.

• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi
• Premyer Liqaya hazırlaşırlar: "Hall Siti"dən 20 milyon avroluq transfer
• "Milan" əfsanəsini itirdi – Franko Barezi vəfat etdi
• FİFA-dan tənqidlərə cavab – "Heç kim futbolu satmır"