Macarıstanda keçirilən Avropa çempionatının yarımfinalında Portuqaliya yığması ilə görüşəcək Azərbaycan milli komandası tarixində 7-ci dəfə bu rəqiblə üz-üzə gələcək. Apasport.az saytının məlumatına görə, 7 rəqəminin futzalçılarımıza düşərli olub-olmayacağı sabah 20:30-da başlayacaq qarşılaşmada müəyyənləşəcək.

Əvvəlki 6 qarşılaşmada isə komandamız qələbəyə həsrət qalıb. Portuqaliya sindromu olan millimiz 5 dəfə uduzduğu rəqibi ilə yalnız 1 dəfə heç-heçə edib. Bu da 10 ay əvvəl baş tutan seçmə oyununa təsadüf edib. Lakin Macarıstandakı matça qədər bütün oyunlar rəqibimizin meydanında keçirilib. Bu matçlardakı top fərqi isə daha acınacaqlıdır - 27:8.

Qeyd edək ki, Azərbaycan yığması üçün Avropa çempionatı qisas meydanına çevrilib. Belə ki, futzalçılarımız indiyə qədərki bütün oyunlarda millimizi məğlub edən, üstəlik, futzal tariximizin ən biabırçı hesabının (2:10) müəllifi olan Çexiyadan qısa almağı bacarıb – 6:1. İndi isə növbədə uda bilmədiyimiz pireneylilərdir.

tarix	Keçirildiyi yer	oyun	hesab	Oyunun statusu
06.11.2002	Portuqaliya	Portuqaliya – Azərbaycan	5:0	AÇ-2003-ün seçmə oyunu
23.09.2003	Portuqaliya	Portuqaliya – Azərbaycan	2:1	Yoldaşlıq oyunu
24.09.2003	Portuqaliya	Portuqaliya – Azərbaycan	4:1	Yoldaşlıq oyunu
26.09.2006	Portuqaliya	Portuqaliya – Azərbaycan	8:1	Yoldaşlıq oyunu
27.09.2006	Portuqaliya	Portuqaliya – Azərbaycan	5:2	Yoldaşlıq oyunu
19.03.2009	Portuqaliya	Portuqaliya – Azərbaycan	3:3	AÇ-2010-un seçmə oyunu
28.01.2010	Macarıstan	Azərbaycan - Portuqaliya	?:?	AÇ-2010-un yarımfinalı

• “Real” düşərgəsində sevindirici xəbər
• “Borussiya” 3 xalı 4 qolla qazandı
• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət