Türkiyədə təlim-məşq toplanışında olan Ukraynanın “Karpatı” klubunun düşərgəsində xoşagəlməz hadisə yaşanıb. Apasport.az saytının məlumatına görə, məşq zamanı Lvov təmsilçisinin iki futbolçusu – Sergey Kuznetsov və Vilyam Roşa Batista arasında qalmaqal baş verib. Xırda mübahisə ilə başlayan münaqişə braziliyalı futbolçunun həmkarına kəllə atması ilə nəticələnib. Güclü zərbədən Kuznetsovun burnu qırılıb və iki dişi xəsarət alıb.

Qeyd edək ki, Batista 2008/09 mövsümünün ikinci yarısında "Bakı" klubunda çıxış edərək, Azərbaycan çempionu adını qazanıb. Braziliyalı hücumçu Unibank Premyer Liqasının ötən mövsümü bitən kimi əvvəllər də oynadığı Lvov təmsilçisinə qayıtmışdı.

• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda
• Yunanıstan klubunda ayrılıq yaşanıb
• Bundesliqa klubu baş məşqçisi ilə yollarını ayırıb