Unibank Premyer Liqasının XXVII turunda “Xəzər Lənkəran”la qarşılaşacaq “Bakı” oyunun hazırlıqlarını davam etdirir. Apasport.az saytının məlumatına görə, paytaxtın eyni adlı təmsilçisi aprelin 11-də keçiriləcək görüşə itki ilə çıxacaq.

Düzdür, zədəsini sağaldaraq təlim-məşq bazasında keçirilən məşqə qatılan Gürşat Duymuş komanda ilə birgə hazırlıq keçir. Əvəzində qışda transfer olunan Venio Moraes Pio “Xəzər-Lənkəran”la matçın iştirakçısı olmayacaq. Buna onun cəzalı duruma düşməsi səbəb olub. Çempionatın son turunun “İnter”lə matçda cari mövsümdə dördüncü sarı vərəqəsini alan braziliyalı meydana qayıtmaq üçün final mərhələsinin ikinci dövrəsini gözləməlidir. Oynamayacağını bilən Venio şəxsi işləri ilə əlaqədar icazə alaraq 2 günlük Portuqaliyaya yollanıb.

• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ
• Mərakeş millisinin üzvü “Başakşəhər”də - RƏSMİ