“Rəhbərliyim altında oynayan Emin Ağayevin yaşda məndən böyük olması, bəlkə də qeyri-adi hadisədir. Lakin bu bizim iş münasibətlərimizə təsir göstərmir”. Apasport.az saytının məlumatına görə, bu sözləri Rusiyanın “Volqa” (Tver) klubunun baş məşqçisi Maksim Bokov deyib.

36 yaşlı mütəxəssis ölkə kubokunun bu gün “Zenit”ə qarşı keçiriləcək 1/4 final görüşü ərəfəsində müsahibə verib. Vaxtilə “Zenit”, MOİK kimi komandalarda oynamış Bokov Azərbaycan milli komandasının sabiq müdafiəçisi Emin Ağayevlə bağlı mövqeyini də açıqlayıb: “Ağayev baş məşqçinin tapşırıqlarını dəqiq yerinə yetirən futbolçudur. Ümumilikdə isə, faktiki olaraq köməkçilərimdən biridir. Emin “Volqa”da ideyaların daşıyıcısı, daxili ab-havanı müəyyənləşdirən bir insandır”.

Qeyd edək ki, Ağayev üçüncü mövsümdür kapitanı olduğu Tver təmsilçisinin şərəfini qoruyur.

• Xabi Alonso “Real”ın tarixinə düşüb
• “Fənərbaxça” - “Trabzonspor” matçı bu kanalda
• “Beşiktaş”ın futbolçusu Yunanıstan klubunda - RƏSMİ
• “Fənərbaxça” – “Trabzonspor” oyununun saatı dəyişdirilib: MİLLİ MATÇA GÖRƏ
• Mərakeş millisinin üzvü “Başakşəhər”də - RƏSMİ