Mövsümün sonunda “Qalatasaray”dan qovulacağı xəbərini eşidən Jo peşəkar futbolçuya yaraşmayan hərəkətlər edib. Apasport.az saytının Türkiyə mətbuatına istinadən məlumatına görə, 23 yaşlı braziliyalı gecə klubunda diqqət mərkəzinə düşüb.

Gecə əyləncələri ilə gündəmdən düşməyən Jo sərxoşluq etdiyi məkana toplaşanları çaşdırıb. Belə ki, komandadan uzaqlaşdırılacağından təəssüflənən legioner “dərdini unutmaq” üçün 10 şüşə şampan, 3 şüşə viski sifariş edib. Bu azmış kimi, Jo şampanı dostlarının başına töküb. Xidmətçilər futbolçunun bu qədər içkinin qarşılığında 25 min türk lirəsi (təxminən 13 min manat) hesab ödədiyini bildirirlər. Barın sahibi isə “Jo, 10 şüşə şampan içdi və 10 min türk lirəsi ödədi” - deyib.

Jonun buna qədər evində verdiyi ziyafətlərdə də çıxan səs-küy qonşuların şikayətinə səbəb olmuşdu. Nəticədə həmin evdən çıxarılan braziliyalı “Qalatasaray”ın prezidenti Adnan Polatın sahibi olduğu otelə yerləşdirilib.

• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”
• Türkiyə millisində iki yeni çağırış – U-21-dən əsas yığmaya
• Tuxel Bellingemin İngiltərə millisində kapitan olmasına “Yaşıl işıq” yandırdı