Almaniya milli komandasının hücumçusu Kevin Kuranyi CAR-da keçiriləcək dünya çempionatının final mərhələsində iştirak etməyəcək. Apasport.az saytının məlumatına görə, 28 yaşlı hücumçu mundial üçün tərtib olunacaq ilkin heyətə daxil edilməyəcək. Buna yığmanın baş məşqçisi Yoahim Lövün Kuranyi ilə bağlı yekun qərarını elan etməsi səbəb olub. Belə ki, alman mütəxəssis “Salke”nin futbolçusu ilə barışdığını, lakin onu dünya çempionatına aparmayacağını bildirib. 2008-ci ilin oktyabrında intizamsızlıq üzündən yığmadan kənarlaşdırılan Kevin millidə keçirdiyi 52 matça 19 qol vurub.

Qeyd edək ki, Almaniya yığması Avro-2012-nin seçmə mərhələsində Azərbaycan milli komandası ilə eyni qrupda yer alıb.

• Türkiyə millisi 3 futbolçunu heyətdən kənarlaşdırıb - MƏRC QALMAQALINA GÖRƏ
• “Qalatasaray” və “Beşiktaş”dan mərc araşdırması ilə bağlı açıqlama
• Eren Elmalı mərc oynadığını etiraf edib: “Beş il əvvəl…”
• “Qalatasaray”ın futbolçusu mərc qalmaqalı ilə bağlı açıqlama yayıb: DAHA DİQQƏTLİ OLACAĞAM
• “Real”ın heyətində daha bir İTKİ