Əvəzedici komandalar arasında Hollandiya çempionatına yekun vurulub. Apasport.az saytının məlumatına görə, Azərbaycan milli komandasının futbolçusu Vaqif Cavadovun şərəfini qoruduğu “Tvente” klubunun ikinci komandası XXVI turda “Ayaks”ın qonağı olub.

Bu tura qədər liderlik edən Amsterdam təmsilçisindən xal alan (2:2) enshedelilər PSV-nin çempion olmasına şərait yaradıb. “Tvente” isə 35 xal toplayaraq, əvəzedicilərin yarışını 14 komanda arasında 8-ci yerdə bitirib. Mövsümün ikinci yarısında əsas komandaya lazım olmadığından son iki turda əvəzedicilərin çempionatında meydana çıxan Vaqif bu dəfə onlara da lazım olmayıb. Baş məşqçi Rene Ake 21 yaşlı hücumçunun “Ayaks”a qarşı oynamasını məqsədəuyğun saymayıb.

• Pereyranın durumuna aydınlıq gəldi
• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib