"Xəzər-Lənkəran" ikinci transferi reallaşdırmaq üzrədir. Apasport.az saytının məlumatına görə, cənub təmsilçisi bu dəfə yarımmüdafiə xəttini gücləndirmək qərarına gəlib.

“Ağ-yaşıllar” bu məqsədlə “İnter”lə müqaviləsinin müddəti başa çatan Asif Məmmədovla danışıqlar aparır. Yarımmüdafiənin həm sol, həm də sağ cinahında oynamağı bacaran 24 yaşlı Asiflə böyük ölçüdə razılığa gəlinib.

"Xəzər-Lənkəran" Asifdən öncə daha bir azərbaycanlı futbolçunu sıralarına cəlb edib. Bu, ötən ili "Qəbələ"də keçirən Vurğun Hüseynovdur. “Transfer pəncərəsi” açılanadək, Məmmədovla 2 illik müqavilənin imzalanması nəzərdə tutulub.

Qeyd edək ki, Asif Məmmədov bu il "İnter"lə ölkə çempionu olub.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ