“Standard” klubu baş məşqçisi Böyükağa Hacıyevlə yollarını ayırıb. Apasport.az saytının məlumatına görə, I diviziona düşməsi rəsmiləşən Sumqayıt təmsilçisinin rəhbərliyi Hacıyevlə müqavilənin müddətini artırmayıb.

Ümumiyyətlə, bu məsələdə qeyri-müəyyənlik vardı. Belə ki, "Standard" baş məşqçi barəsində qərar verməyə tərəddüd edirdi. Nəhayət, rəhbərliyin iştirakı ilə geniş tərkibli iclas keçirilib. Nəticədə Böyükağa Hacıyevlə yolların ayrılmasına qərar verilib. Həmin iclasda komandanın birinci diviziona düşməsinin səbəbləri araşdırılıb.

Qeyd edək ki, Böyükağa Hacıyev çempionatın 8-ci turunda "Standard"ın baş məşqçisi postunda litvalı Valdas İvanauskası əvəzləyib. Hacıyevin komandası çempionatı 11-ci pillədə başa vurub.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ