“Mövsümü major notda başa vurduq. Transfer çalışmalarına sabah və ya birisi gündən başlayacağıq”. Bu sözləri apasport.az saytına açıqlamasında “Bakı” klubunun baş meneceri Zeynal Məmmədov deyib.

Dünən Azərbaycan kubokunun final görüşündə “Xəzər-Lənkəran” klubunu məğlub edərək, tarixində ikinci dəfə kuboku qazanan paytaxt təmsilçisi Avropa Liqasının oyunlarına birbaşa ikinci təsnifat mərhələdən başlayacaq.

Məmmədov indi heyəti qorumaq, eyni zamanda yeni futbolçularla anlaşmaqla yanaşı, baş məşqçi axtarışlarını davam etdirdiklərini söyləyib. O, hazırkı türkiyəli çalışdırıcıları Cüneyt Biçərin postunda qalmaq ehtimalının nə dərəcədə olduğuna da aydınlıq gətirib: “Axtarışlarımız davam edir. Ad çəkmək istəmirəm. Biçərin məsələsinə gəldikdə, bu futboldur, hər şey ola bilər. Yaxın günlərdə bütün suallara aydınlıq gətiriləcək. Ən əsası isə baş məşqçi məsələsini həll etməyin zamanıdır”.

• “Beşiktaş” Avropa Liqası matçını Batumidə keçirəcək
• Arda Turandan növbəti qələbə – “Şaxtyor” zirvədə
• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!