Makedoniya milli komandasının Azərbaycan yığması ilə yoldaşlıq oyunu keçirməsinin səbəbi məlum olub. Apasport.az saytının məlumatına görə, balkanlıların baş məşqçisi Mirsad Yonuz keçirdiyi mətbuat konfransında millimizlə görüşün Avro-2012-nin seçmə mərhələyə hazırlıq planına uyğun olduğunu bildirib.

Mütəxəssis komandamızın güc və səviyyəsinin payızda qarşılaşacaqları Ermənistan yığması ilə təxminən eyni olduğunu düşünür: “Seçmə mərhələyə Ermənistan və Slovakiya ilə qarşılaşmalarla başlayacağıq. Bu səbəbdən onlara uyğun gələn rəqiblərlə yoxlama oyunu keçirməyimiz lazım idi. Bu məqsədlə müvafiq olaraq Azərbaycan və Rumıniya ilə qarşılaşacağıq”.

Qeyd edək ki, makedoniyalılar seçmə mərhələdə Ermənistan və Slovakiya ilə yanaşı, Rusiya, Andorra və İrlandiya ilə mübarizə aparacaq.

• Sabiq "Qalatasaray"lı klubsuz qalıb
• Tammi Abraham rəsmən "Beşiktaş"da
• 6 ildən sonra "Fənərbaxça"ya dönür: "Sarı-lacivərdlilər" daha bir transferi tamamlayıb
• Fatih Tekke bu transferdə israrlıdır: "Kopenhagen"dən "Trabzonspor"a
• PSJ-dən “Yuventus”a rest: O icarəlik deyil