“Təbii ki, yığma komandamızın Moldova ilə keçirdiyi oyunu izlədim. Havanın yağmurlu olması, ola bilsin, uşaqların meydanda hərəkət etməsinə problem yaratsın. Həm də mövsümün sonu olduğundan futbolçularda müəyyən qədər yorğunluq müşahidə olunurdu”. Bu sözləri apasport.az saytına açıqlamasında “Qarabağ” klubunun yarımmüdafiəçisi Rəşad Sadiqov deyib.

Zədəli olduğu üçün milli komandamızın Avstriyadakı təlim-məşq toplanışından kənarda qalan Sadiqov yoldaşlıq oyununu da ekran başında izləyib. O, əsas məqsədin Avropa çempionatının qrup mərhələsinin oyunlarına hazırlıq olduğunu bildirib. Qarşıdakı matçlar barədə də danışan yarımmüdafiəçi millimizdən ancaq qələbə gözlədiyini qeyd edib: “Bu yoldaşlıq oyunudur. Məqsədimiz rəsmi oyunlara hazırlaşmaqdır. Növbədə Makedoniya və Hondurasla oyunlar var. Təbii ki, hər iki görüşdə komandamızdan ancaq qələbə gözləyirəm. Bu gün həm Makedoniya, həm də Honduras məğlubedilməz deyil. Orta səviyyəli komandalardır. İngiltərə, İtaliya deyillər ki, oynamaq çətin olsun”.

• “Atletiko” yetirməsi “Betis”də
• "Barselona" Niko Uilyamsı "qara siyahı"ya salıb
• "Real Madrid" daha bir futbolçu ilə müqavilə imzalayacaq - yayın son transferi
• “Fənərbaxça” – “Qalatasaray” derbisinin tarixi bəlli olub
• Yaponiyalı futbolçu "Arsenal"ı tərk edib