“Neftçi” Paraqvayın “Assunsion” klubu ilə qarşılaşacaq

28.05.2010 - 12:30

İtaliyada təşkil olunan “Ciociaria World Cup-4” turnirində mübarizə aparan “Neftçi” klubunun 17 yaşlılardan ibarət komandasının 1/4 finalda rəqibi bəlli olub. Apasport.az saytının xəbərinə görə, həmyerlilərimiz Paraqvay təmsilçisi “Assunsion”la qarşılaşacaq.

Oyun bu gün Bakı vaxtı ilə 19:30 başlayacaq.

Qeyd edək ki, “Partizan” (Serbiya), “Bari” və “Arpino” (hər ikisi İtaliya) ilə eyni qrupda mübarizə aparan komandamız ən güclü 8 arasına qrup qalibi kimi çıxıb.