Foqtsa məsləhət: İyunun 2-də oynamayın

03.06.2010 - 11:37

Honduras milli komandası ilə oyunda qırmızı vərəqə alan Saşa Yunisoğlu Berti Foqtsun rəhbərliyi Azərbaycan yığmasına rəhbərliyi dövründə meydandan qovulan 5-ci futbolçu olub.

Apasport.az saytının məlumatına görə, 2008-ci ilin aprelindən baş məşqçi təyin olunan almaniyalı mütəxəssisin çalışdırıcılığı dövründə 27-ci qarşılaşmasına çıxan komandamız indiyədək 4 dəfə də görüşü 10 nəfərlə bitirmişdi. Bu qırmızı vərəqələrdən dördünü ikinci və yalnız birini birinci hissədə alan millimiz üçün iyunun 2-si tarixi fərqli olub. Belə ki, 2008-ci ilin bu tarixində oyun keçirməyən yığma ardıcıl 2 ildir iyunun 2-də qırmızı vərəqəyə üzülür. Ona görə də azlıqda qalmamaq üçün iyunun 2-də oynamamaq məsləhətdir.

Qeyd edək ki, gələn il üçün təqvimi məlum olan millimiz iyunun 2-də oynamayacaq. Buna komandamızın Qazaxıstanla matçının bu tarixin ertəsi gününə təyin olunmasıdır.

tarix	oyun	hesab	Qırmızı alan futbolçu	Dəqiqə
06.09.2008	Uels – Azərbaycan	1:0	Fabio Luis Ramim	68
15.10.2008	Bəhreyn – Azərbaycan	1:2	Rail Məlikov	44
02.06.2009	Türkiyə - Azərbaycan	2:0	Rəşad Sadıqov	51
09.09.2009	Almaniya – Azərbaycan	4:0	Samir Abbasov	50
02.06.2010	Azərbaycan - Honduras	0:0	Saşa Yunisoğlu	74