Tanınmış portuqaliyalı mütəxəssis Joze Mourinyonun köməkçisi Andre Vilyaş Boaş “Portu” klubunun baş məşqçisi təyin olunub. Apasport.az saytının məlumatına görə, Portuqaliyanın titullu klubu baş məşqçi postunu etibar etdiyi 32 yaşlı çalışdırıcı ilə iki illik müqavilə bağlayıb. Ölkəsində ən perspektivli məşqçilərdən sayılan Boaş 2003-2009-cu illərdə Mourinyonun elə “Portu”, “Çelsi” və “İnter”də köməkçisi olub. O, bu vəzifədə hər üç ölkənin çempionu, habelə Çempionlar Liqasının qalibi olub.

Ötən yay baş məşqçi karyerasına başlayan Vilyaş çalışdırdığı “Akademiya” ilə Portuqaliya çempionatında 16 komanda arasında 11-ci yeri tutub və yüksək liqada qalmaq vəzifəsini yerinə yetirib.

Qeyd edək ki, son 4 ildə “Portu”nun baş məşqçisi olan Jezualdo Fereyra ötən mövsüm çempion “Benfika”dan 8 xal geri qalaraq, bürünc mükafatçı olub.

• İngiltərənin məşhur klubları "Real Madrid"in forvardı ilə maraqlanır
• Foden "Mançester Siti"nin heyətində 100-cü qolunu vurub
• “Bavariya” Leroy Sane ilə vidalaşdı
• Belçika millisinin üzvü “Atletiko”nu tərk etdi - RƏSMİ
• Premyer Liqa klubunda növbəti ayrılıq - RƏSMİ