Avropa Liqasının I mərhələsində “Xəzər-Lənkəran”la qarşılaşacaq “Olimpiya” klubu hazırlıq planında dəyişiklik edib. Apasport.az saytının xəbərinə görə, Moldova təmsilçisi İsveçrəyə səfər etməyi planlaşdırsa da, püşkdən sonra səfər təxirə salınıb.

Bu haqda klubun vitse-prezidenti Sergey Kiselev deyib: “Biz İsveçrədə “Yanq Boyz”la qarşılaşmağı düşünürdük. Ancaq bu səfəri təcili təxirə saldıq. Əlbəttə, onlarla yaxın gələcəkdə qarşılaşacağıq”.

Kiselev ölkəmizə gələnə qədər “Olimpiya”nın 2 yoxlama oyununda gücünü sınayacağını bildirib: “Biz iki yoxlama oyunu keçirəcəyik. İyunun 23-də “İskra” ilə qarşılaşmağı düşünürük. Əgər onlarla oyun alınmasa, başqa sparrinq-rəqib axtaracağıq. 3 gün sonra isə Odessa “Çernomorets”i ilə gücümüzü sınayacağıq”.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"