“Əfran İsmayılov “Borussiya” ilə oyunda rəqibə çətinlik yaşada bilərdi. Bildiyiniz kimi, bu gün Azərbaycanda sürətli futbolçu çox azdır. Onun yoxluğu “Qarabağ” üçün şok itki oldu. O, əməliyyat olunacaq”. Bu sözləri apasport.az saytına açıqlamasında Azərbaycan yığmasının baş məşqçisi Berti Foqts deyib.

Küveytlə oyuna hazırlığını davam etdirən yığma komandanın heyətinə cəlb edilən, amma “Neftçi” ilə görüşdə zədələndiyi üçün komandadan uzaqlaşdırılan Əfran İsmayılovun yoxluğunda Berti Foqts yarımmüdafiənin sağında kimə şans verəcəyini dəqiqləşdirib. Fikrini açıqlayan almaniyalı mütəxəssis Əfranın sağ cinah üçün alternativ olduğunu bildirib: “Mahir Şükürov bu mövqedə yaxşı oynayır. Əfran sadəcə, həmin mövqe üçün alternativ idi”.

Qeyd edək ki, Azərbaycan - Küveyt oyunu bu gün keçiriləcək.

• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ
• TFF-dən “Fənərbaxça”ya: ”Federasiyamız “hesab vermə kürsüsü” deyil”
• Ali Koç TFF-nin inzibati binasına yollanır
• Günün canlı yayımlanacaq matçları - TV AFİŞA