"Qarabağ komandası ilə oynamaq bizim üçün şərəfdir. "Qarabağ" Avroliqadakı çıxışı ilə bütün Azərbaycanı sevindirmişdir”. Apasport.az saytının məlumatına görə, bu sözləri Bakının AZAL klubunun baş məşqçisi Nazim Süleymanov deyib.

O, Unibank Premyer Liqasının VI turunun “Qarabağ”la oyunundan sonra təşkil edilən mətbuat konfransında görüş haqda fikirlərini açıqlayıb. Süleymanov 0:0 hesablı nəticədən razı qaldığını bildirib: “Belə gözəl kollektiv yaratdığı üçün Qurban Qurbanova təşəkkür edirəm. Oyuna gəldikdə isə etiraf edim ki, bəxt amili bizim tərəfimizdə idi. Komandamın meydanda göstərdiyi əzmkarlığa görə bu oyun heç-heçə başa çatdı. "Qarabağ" çox gözəl komandadır, bu klubdan 1 xal götürmək bizim üçün gözəl nəticədir".

Qeyd edək ki, AZAL “Qarabağ”la oyundakı 1 xalı səfərdə qazanıb.

Mənbə: pfl.az

• Ronaldo "Əl-Nəsr"lə şərik olacaq
• PSJ-nin hücumçusu “Yuventus”la anlaşıb
• Nuri Şahin gedir, Ten Haq gəlir
• Premyer Liqanı Bundesliqaya dəyişəcək
• Avropanın rəmzi komandası açıqlanıb