Honduras milli komandasının heyətinə çağırılan legionerlərin adları açıqlanıb. Apasport.az saytının məlumatına görə, yığmanın baş məşqçisi Xuan de Dias Kastilyo Yeni Zelandiya ilə səfərdə, Qvatemala ilə ABŞ-da keçiriləcək görüşlərdə sərəncamında görmək istədiyi futbolçuları müəyyənləşdirib. İngiltərədən tutmuş Çinə qədər müxtəlif ölkələrdə çıxış edən 10 oyunçuya dəvət göndərən mütəxəssis onlardan 7-ni oktyabrın 9-da Okeaniyada, 3-nü isə ayın 12-də Los ancelesdəki görüşdə sınayacaq.

Bu futbolçularla yanaşı heyətdə yer alacaq Honduras çempionatında çıxış edənlərin siyahısı isə sentyabrın 30-da açıqlanacaq. Lakin Kastilyo bildirib ki, xarici ölkələrdə top qovan yığma üzvlərinin siyahısında da dəyişiklik edə bilər: “Azərbaycanda, “Xəzər Lənkəran” klubunda çıxış edən Allan lalin də nəzərimdədir. Onu bu matçlaradn birinə çağıracağım istisna deyil”.

Qeyd edək ki, yığmada 9 oyuna 1 qol vuran Lalin təxminən il yarımdır milliyə çağırılmır.

• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu