Almaniya milli komandasının və “Bayer” klubunun futbolçusu Mixael Ballak 2010-cu ilin sonunadək sıradan çıxıb. Lent.az-ın məlumatına görə, 34 yaşlı yarımmüdafiəçi sentyabrın 11-də “Hannover”lə ölkə çempionatı matçında baldırından xəsarət alıb.

“Bayer”in kapitanının oktyabrın sonlarında meydançaya qayıdacağı gözlənilsə də, indi onun müalicəsinə kifayət qədər vaxt lazım gələcəyi müəyyənləşib. Yaxın 5-6 həftə ərzində Ballak xüsusi lövhəciklə gəzəcək. Sonradan o, tibbi müayinədən keçəcək. Müayinə nəticəsində təcrübəli oyunçunun bərpa prosesinin gedişinə aydınlıq gələcək. Amma istənilən halda, futbolçu 2011-ci ildən tez meydançaya çıxa bilməyəcək.

• Sabiq “Qalatasaray”lı “Beşiktaş”ın radarında
• Günün canlı yayımlanacaq matçları - TV AFİŞA
• Almaniya millisinin üzvü karyerasını başa vurub
• Mourinyonun müqaviləsinin detalları açıqlandı - hər iki tərəf xitam verə bilər
• Pereyranın durumuna aydınlıq gəldi