Hiddink finişə yaxınlaşır

11.10.2010 - 16:27

Türkiyə millisinin baş məşqçisi Qus Hiddinkin karyerasını bitirəcəyi vaxt dəqiqləşib. Apasport.az saytının məlumatına görə, hollandiyalı mütəxəssisin son çalışdıracağı yığma elə “ay-ulduzlu”lar olacaq. Hiddink türkləri Avro-2012-nin finalına çıxardıqdan sonra onlarla birlikdə DÇ-2014-də də iştirak etmək arzusundadır.

“Mən Türkiyə milli komandasından sonra məşqçilik karyerama nöqtə qoyacağam. 2014-cü ildə Braziliyada keçiriləcək mundialda bu komanda ilə iştirak etmək arzusundayam” – deyə Hiddink bildirib.

Qeyd edək ki, hollandiyalı baş məşqçi hazırda türklərlə 2 illik rəsmi müqaviləyə imza atıb. Lakin onunla 4 illik razılaşma olduğu da ehtimal edilir.