Bakının “Neftçi” klubunun kapitanı Rail Məlikov bu ay meydana çıxa bilməyəcək. Bu barədə apasport.az saytına komandanın baş məşqçisi Arif Əsədov məlumat verib. Onun sözlərinə görə, müdafiəçinin yığmanın heyətində Türkiyə ilə oyunda aldığı zədə ciddidir.

Əsədov Railin topuq nahiyəsindən xəsarət aldığını bildirib: “Məlikov zədələnən zamanı həkimimiz Tofiq Qasımov da orda idi. İlkin müayinə futbolçunun topuq nahiyəsindəki əzələ bağlarının qırıldığını göstərib. Railin ayağına gips qoyulub. O, ən azı 2-3 həftəliyə sıradan çıxıb. Bir daha müayinə olunacaq futbolçumuz ayağındakı gips açılandan sonra məşqlərə başlayacaq. Əlbəttə, kapitanımızın itkisi bizim üçün itkidir”.

Qeyd edək ki, Premyer Liqamızın ilk dövrənin sonunu buraxmalı olan Rail Türkiyə ilə görüşün birinci hissəsinin sonunda Tuncay Şanlı ilə toqquşmadan sonra zədələnərək, əvəzlənməli olmuşdu. Dərhal xəstəxanaya aparılan Məlikovun orada ayağına gips qoyulub. Artıq xəstəxanadan çıxan yığma üzvü bu gündən həkim nəzarətində olacaq.

• Artetadan unikal nailiyyət
• Donnarummanın seriyası başa çatdı
• Sadettin Saran: Çempion olsaq, kuboku 3 prezident qaldıracaq
• “Fənərbaxça”nın yeni prezidenti BƏLLİ OLDU - YENİLƏNİB
• Sabiq “Qalatasaray”lı “Beşiktaş”ın radarında