Azərbaycan yığması yubiley matçında Yunanıstana uduzdu

13.10.2010 - 20:48

Bu gün 19 yaşadək futbolçulardan ibarət komandalar arasında Avropa çempionatının ilkin seçmə mərhələsinin 3-cü qrupunda II turun oyunları keçirilib. Apasport.az saytının məlumatına görə, Portuqaliyada təşkil olunan yarışda mübarizə aparan Azərbaycan yığması Yunanıstan futbolçuları ilə qarşılaşıb.

İlk turda meydan sahibləri ilə heç-heçə edən (2:2) Bernard Lippertin yetirmələri bu dəfə meydandan xalsız ayrılıblar. Yunanların ilk yarının sonlarında vurduğu 1 qol, matçın taleyini həll edib.

Digər oyunda Portuqaliya millisi Gürcüstan üzərində böyük hesablı qələbə qazanıb -3:0.

Qeyd edək ki, bu qarşılaşma 17-ci dəfə qitə birinciliklərinə qatılan millimizin yubiley – 50-ci görüşü idi.

Bunadək baş tutan 49 qarşılaşmada futbolçularımız 10 qələbə qazanıb, 7 heç-heçə edib və 32 dəfə meydanı xalsız tərk ediblər. Bu görüşlərdə komandamız 40 qol vurub, 116 dəfə qapısında top görüb.

Komandamızın növbəti oyunda rəqibi Gürcüstan yığması olacaq.

AZƏRBAYCAN – YUNANISTAN - 0:1
QOL: Bougaidis, 40
QIRMIZI VƏRƏQƏ: Kolovos, 75
Baş hakim: Mario Vlk (Slovakiya)
Laqos (Portuqaliya). Fernando Kabriya stadionu
YUNANISTAN: 12. Konstantinos Kaldelis, 2. Valentinos Vlaxos, 3. Yannis Aqtsidis, 4. Mavrudis Buqaidis, 5. Yannis Poturidis (k), 6. Panayotis Stamoyannos, 7. Pavlos Katatios, 8. Konstantinos Kotsaridis, 9. Apostolos Vellios, 10. Georgios Katidis, 15. Dimitrios Kolovos
Ehtiyat oyunçular: 1. Aleksandr Tampakis, 11. Georgios Valerianos, 13. Fatios Kaymakudis, 14. Nikolaos Marinakis, 16. Konstantinos Stafilidis, 17. Dmitrios Diamantakos, 18. Antonios Atanasiu
AZƏRBAYCAN: 1. Andrey Popoviç, 2. Qara Qarayev , 3. Tərlan Quliyev, 6. Abdulla Abatsiyev, 8. Yasin Yaqubzadə, 9. Tural İsgəndərov, 10. Amit Quluzadə, 15. Ruslan Tağızadə, 18. Elnur Abdulov, 19. Mirhüseyn Seyidov (k), 22. Emin Mehtiyev
Ehtiyat oyunçular: 12.Orxan Sadıqlı, 4. Aleksander Qross, 5. Kamil Hüseynov, 7. Nurlan Novruzov, 16. Hacı Əhmədov, 17. Rəhman Hacıyev, 20. Malik Babayev