“Azərbaycana məğlubiyyət dünyanın sonu deyil. Geriyə yox, yalnız irəli baxmaq lazımdır”. Apasport.az saytının məlumatına görə, bu sözləri “Trabzonspor” klubunun baş məşqçisi Şenol Günəş deyib.

Avro-2012-nin seçmə mərhələsi çərçivəsində Azərbaycan yığmasının məğlub etdiyi Türkiyə millisinə yerli mütəxəssislər tərəfindən dəstək davam edir. 2002-ci ildə “ay-ulduzlular”ı dünya üçüncüsü edən Günəş doğma komandasına inandığını bildirib: “Sadəcə, səhvlərdən nəticə çıxarmaq lazımdır. Kağız üzərində 2-cilik şansımız davam etdiyindən bunun üçün savaşmalıyıq. Artıq buna necə yiyələnmək üçün düşünməliyik”.

Günəş, həmçinin Türkiyə yığmasının növbəti mərhələyə vəsiqə qazanmasında bütün mütəxəssisləri Qus Hiddinkə yaxından kömək etməyə çağırıb: “Bizim hollandiyalı çalışdırıcıya dəstək olmaqdan başqa çarəmiz yoxdur. Hər kəs ölkənin mənafeyi üçün Hiddinkə kömək etməlidir. O da öz növbəsində dəstək istəməlidir. İkili dialoqa girməliyik. Biz ona yardımçı olmasaq, xəta edərik”.

• Tuncay Şanlı “Fənərbaxça”ya qayıdıb
• Zeki Çelik karyerasını “Yuventus”da davam etdirə bilər
• "Çelsi" Alvareslə maraqlanır
• Məşhur futbolçu xəstəxanaya yerləşdirilib
• Portuqaliya millisində ciddi itki