“Cari mövsümdə ilk dəfədir ki, komandamız 5-ci pilləyə yüksəlib. 2 tur əvvəl isə 6-cı yerdə qərarlaşmışdıq”. Bu sözləri apasport.az saytına açıqlamasında “Qəbələ” klubunun müdafiəçisi Saşa Yunisoğlu deyib.

Unibank Premyer Liqasının XV turundan sonra 5-ci pilləyə yüksələn əyalət təmsilçisinin təcrübəli futbolçusu uğurlu seriyanı davam etdirəcəklərini düşünür: “Bizim ilk “altılıq” yolunda əsas rəqiblərimiz “Bakı” və “Qarabağ”dır. Onlar da sonuncu turda xal itirdilər. Bu, işimizə yaradı. Məqsədimiz ilk növbədə “altılıq”a düşməkdir. Daha sonra isə bacardığımız qədər irəliləməyə çalışacağıq”.

Hazırda güclü kollektivlərinin olduğunu qeyd edən müdafiəçi istənilən rəqiblə qarşılaşmağa hazır olduqlarını bildirib: “Yaxşı heyətimiz var. Ola bilsin, ilk “altılığ”a namizədlərin adlarını deyərkən, bizi bu sıraya qatmırlar. Çünki son vaxtlarda komanda bir qədər geridə idi. Bu üzdən komandanı “altılığ”a namizədlər sırasında görmürdülər. Ancaq biz oyunumuzla buna layiq olduğumuzu sübut etdik”.

• “Tottenhem” -“Mançester Yunayted” matçında qalib müəyyənləşmədi
• Dursun Özbekdən Messi açıqlaması
• “Qalatasaray”ın futbolçusu ƏMƏLİYYAT OLUNUB
• Günün oyunları bu kanallarda
• “Aston Villa”nın müdafiəçisi İtaliya yolunda