"Fiorentina"nın rumın futbolçusu Adrian Mutu klubun ona təklif etdiyi 5 illik yeni müqaviləni imzalamaqdan imtina edib. Apasport.az saytının xəbərinə görə, 31 yaşlı futbolçu bu təklifi 5 il sonra yaşının çox olacağı ilə əlaqələndirib: "Komandam mənə 5 illik müqavilə təklif etdi, amma mən bundan sonra daha 3 il oynamaq istədiyimi bildirdim".

Karyerasını "Fiorentina"da tamamlamaq istəyən Mutu futboldan erkən gedəcəyi barədə yayılan xəbərlərin də yalan olduğunu vurğulayıb: "9 aylıq cəza almağıma və "Çelsi" ilə yaşadığım o qədər problemə baxmayaraq, bir saniyə belə dayanmağı ağlımdan keçirməmişəm".

• Səudiyyə Ərəbistanından Salah üçün 114 milyon avroluq təklif
• PSJ-dən tarixi nəticə: bir ildə 49-cu qələbə
• Muslera ulduzlaşdı: Komandası Argentina çempionu oldu
• Messi üçün şok: Argentina DÇ-dan uzaqlaşdırıla bilər
• “Lion” maliyyə böhranından çıxa bilmir: Borcu 200 milyon avronu keçdi