“Beşiktaş” klubu Azərbaycan yığmasının kapitanı Rəşad Sadıqovun oynadığı “Əskişəhərspor” komandasından ağır zərbə alıb. Apasport.az saytının məlumatına görə, Türkiyənin avrokubokların cari mövsümündə qalan yeganə təmsilçisi Superliqanın XVI turunun açılış oyununda Əskişəhərdə 0:2 hesabı ilə uduzub. Zədədən sonra hələ tam hazır olmayan Rəşadın kənardan izlədiyi oyunda fasiləyədək hesab açılmayıb. İlk hissədə ən diqqəti çəkən məqam “Beşiktaş”ın ispaniyalı ulduzu Qutinin 39-cu dəqiqədə hakimin qərarına etirazına görə ikinci sarı vərəqə alaraq, meydandan qovulması olub.
“Əskişəhərspor” bu say üstünlüyündən ikinci hissədə maksimum istifadə edib. 61-ci dəqiqədə Veysəl Sarı, bundan 17 dəqiqə sonra Sezer Öztürk topu qapıdan keçirib. Bununla da Sadıqovun komandası xallarının sayını 19-a çatdıraraq, 11-ci pilləyə yüksəlib. Avroliqanın 1/16 finalına çıxan “Beşiktaş” isə qələbə seriyasını 3-ə çatdıra bilməyib və 27 xalla Superliqada 5-ci yerdədir.

• “Bornmut”un forvardı Premyer Liqada klubunu dəyişə bilər
• Messi 400-ə çatdı - “İnter Mayami” 1/4 finalda
• “Əl-Əhli”nin futbolçusu “Tottenhem”in radarında
• “Qarabağ” - “Neftçi” matçı bu kanalda - TV AFİŞA
• Liqa 1: “Marsel”dən inamlı qələbə