Bakının “İnter” komandasının müdafiəçisi İlya Kandelaki klubun rəsmi internet saytına müsahibə verib. Apasport.az saytının məlumatına görə, gürcüstanlı legioner Unibank Premyer Liqasının “Bakı” ilə bugünkü matçı haqda fikirlərini açıqlayıb.

- Komandanı “Bakı” ilə, “altılığa” düşmək üçün fəal çalışan komanda ilə qarşılaşma gözləyir...
- Bizi çoxsaylı mübarizə olacaq ağır oyun gözləyir. Rəqib güclü komandadır və evdə oynayacaq, bundan da istifadə etməyə çalışacaq. Bununla belə, biz qalib gəlmək və mövqeyimizi möhkəmləndirmək üçün əlimizdən gələni edəcəyik.

- Son zamanlar komanda bəzi çətinliklərlə qarşılaşır ki, bu da onun nəticələrinə təsir göstərir...
- Mən bunu bizi təqib edən uğursuzluqla əlaqələndirirəm. Axı, bu oyunlarda biz, ümumilikdə, kifayət qədər pis oynamadıq. Qol vəziyyətləri yaratdıq, üstünlüyə malik olduq.

- Qiymətli xalların itirilməsi “İnter”i turnir cədvəlində 5-ci yerə saldı...
- Təəssüf, amma bu belədir. Hər halda biz mütləq “altılıq”da olacağıq. Bununla bağlı tərəddüd etmirəm. Oraya düşdükdən sonra yalnız artırmaq lazımdır, o zaman yüksək yerlərə ümid edə bilərik.

- Artıq “Birlik Kuboku”nun püşkatma mərasimi keçirilib. “İnter”lə qarşılaşacaq rəqiblər barədə nə deyə bilərsiniz?
- Doğrusu, bu barədə heç düşünməmişəm. Ona görə ki, çempionatda bizim hələ iki qarşılaşmamız var və mən diqqətimi həmin matçlar üzərində cəmləşdirmişəm. “Birlik kuboku” haqqında birincilik uğrunda matçların başa çatmasındna sonra düşünəcəyəm.

• Sadettin Saran: "Bu, mənə qarşı böhtan kampaniyasıdır"
• "Milan" Almaniya millisinin hücumçusu ilə müqavilə imzalayıb
• "Liverpul" "Nyukasl"ın ulduzunu izləyir
• “Tottenhem”in məşqçisi MLS-də baş məşqçi oldu
• Sadettin Saranın narkotik testi pozitiv çıxdı