Amit Quluzadənin “Fənərbaxça”ya transferinin qiyməti müəyyənləşdi

12.01.2011 - 14:23

Azərbaycan milli komandasının və Bakının “Neftçi” klubunun futbolçusu Amit Quluzadənin Türkiyə təmsilçisi “Fənərbaxça”ya keçidi ilə bağlı daha bir məqam aydınlaşıb. Apasport.az saytının məlumatına görə, 19 yaşlı yarımmüdafiəçinin transfer qiyməti məlum olub. Daha doğrusu “Neftçi” və “Fənərbaxça” rəhbərliyinin Amitin keçidi üçün müzakirə etdiyi məbləğ müəyyənləşib.

Yığmamızın baş məşqçisi Berti Foqtsun millimizdəki işinə biganə qalmayan Almaniya mətbuatı inkişafında onun da əməyi olduğu Amitə xüsusi yazı həsr edib. Almanlar iddia edir ki, “Fənərbaxça” “Neftçi”yə 450-700 min avro aralığında para ödəyəcək. Tərəflər arasında danışıqlar da bu rəqəmin razılaşdırılması üçün davam edəcək.