Kolumbiya yığmasının qapıçısı “Qalatasaray”da

14.01.2011 - 12:35

İstanbulun “Qalatasaray” klubu qapıçı problemini həll edib. Apasport.az saytının Türkiyə mətbuatına istinadən məlumatına görə, “sarı-qırmızılar” Rumıniyanın “Styaua” klubunun 32 yaşlı əlcək sahibi Robinson Zapatanın transfer məsələsini həll ediblər.

Kolumbiya yığmasının da şərəfini qoruyan qapıçı ilə 2,5 illik müqavilə imzalanıb. O, Türkiyədə ilini 1 milyon avro qazanacaq.
Qeyd edək ki, Zapatanın sabah “Qalatasaray”ın yeni stadionu - “Türk Telekom Arena”nın açılış mərasimində meydana çıxması da gözlənilir.