Azərbaycanlı futbolçular Almaniyada oynayacaq

17.01.2011 - 14:57

17 yaşadək qızlardan ibarət Azərbaycan milli komandasının növbəti təlim-məşq toplanışının vaxtı və yeri məlum olub. Apasport.az saytının məlumatına görə, almaniyalı mütəxəssis Sissi Rayt rəhbərlik etdiyi yığmamızı öz vətəninə aparacaq. Belə ki, komandamız Almaniyanın Reqensburq şəhərində hazırlıq keçəcək. Toplanış yanvarın 22-dən fevralın 5-ə qədər keçiriləcək. Hazırlıq prosesi ərzində yığmamız 4 yoldaşlıq oyunu keçirəcək. Yığmamızın oynayacağı görüşlərdəki rəqiblərin adları hələ dəqiqləşməyib.

Mənbə: affa.az