MOİK bu gün qış fasiləsi dövründə ilk yoxlama matçını keçirib. Komandanın mətbuat xidmətindən apasport.az saytına verilən xəbərə görə, “hərbçilər” “Şəfa” stadionunda AZAL-ın əvəzedici heyəti ilə qüvvəsini sınayıb.

Birinci hissədə MOİK-in heyətində əsas heyətin üzvləri forma geyiniblər. Fasilədən sonra isə ordu klubunun məşqçi korpusu əsasən baxışda olan futbolçuları sınayıb. “Hərbçilər”in üstünlüyü şəraitində keçən oyunun taleyi elə birinci hissədə həll olunub. 20-ci dəqiqədə Rafael Qəvami, 39-cu dəqiqədə isə Orxan Babayevin qolları sayəsində komanda 2:0 hesablı qələbə qazanıb.

Həqiqi-hərbi xidmətdə olan Azərbaycanın 21 yaşlılardan ibarət yığmasının üzvü Emin Cəfərquliyev artıq MOİK-in düşərgəsinə qoşulub. Əsgərlikdə olan Nizami Hacıyev və “Bakı”nın futbolçusu Bəxtiyar Soltanovun da yaxın günlərdə MOİK-in sıralarına qoşulacağı gözlənilir. “Hərbçilər” növbəti yoxlama matçına yanvarın 25-də çıxacaqlar.

• Çempionlar Liqasında həftənin ən yaxşı futbolçusu müəyyənləşdi
• Rafinya daha 4 il "Barselona"da - RƏSMİ
• Portuqaliya Ronaldo ilə vidalaşdı – “Hər şey üçün təşəkkürlər, kapitan!” - VİDEO
• Almaniya millisinin heyəti açıqlandı: Nübel çağırıldı, Sane kənarda qaldı
• Bir dövrün sonu - Ronaldo milli karyerasını başa vurdu