Türkiyənin Antalya şəhərində təlim-məşq toplanışında olan “Abşeron” klubu növbəti yoxlama oyununu keçirib. Apasport.az saytının məlumatına görə, Mirbağır İsayevin yetirmələri qonşu ölkədəki son matçında Rumıniyanın “Vointa Sibiu” komandası ilə qarşılaşmalı idi. Lakin həmin matç baş tutmadığından, I divizion təmsilçisi Rusiyanın aşağı dəstə komandası “Salyut”la (Belqorod) görüşüb. Qarşılaşma heç-heçə ilə başa çatıb - 0:0.

Qeyd edək ki, “Abşeron” qış təlim-məşq toplanışı çərçivəsində Antalyada keçirdiyi 7 yoxlama oyununu 2 qələbə, 2 məğlubiyyət və 3 heç-heçə ilə tamamlayıb.

• Rafa Silva rəsmən “Benfika”da
• Braziliyalı mövsümün sonunda “Yunayted”i tərk edəcək - RƏSMİ
• “Atletiko” argentinalı üçün “Qalatasaray”a “yox” dedi
• “Barselona”da itki: Zədədən qayıtdı, yenə sıradan çıxdı
• Edin Ceko "Şalke"də - Rəsmi