Bu gün 21 yaşadək futbolçulardan ibarət milli komandalar arasında Avro-2013-ün püşkü atılıb. Apasport.az saytının məlumatına görə, Azərbaycan yığması özü üçün yadların yer aldığı 8-ci qrupa düşüb.

Belə ki, Bernard Lippertin yetirmələrinin rəqibləri olan İngiltərə, Belçika, Norveç, İslandiya “dördlüy”ü ilə yığmamız indiyədək vur-tut 2 dəfə qarşılaşıb. Bu da Avro-2006-nın seçmə mərhələsinə təsadüf edib.

Həmin vaxt komandamız İngiltərədən olan həmyaşıdları ilə Bakıda “sülh” bağlayıb (0:0), səfərdə isə məğlub olub – 0:2. Digər 3 rəqiblə isə müxtəlif (əsas, U-19 və U-17) səviyyələrdə görüşsək də, U-21-lər rəsmi oyunlarda görüşməyiblər.

Qeyd edək ki, U-21 indiyədək seçmə mərhələlərdə 66 oyun keçirib.

• Ernandesdən "Milan" qərarı
• Dalota İspaniyadan müştəri
• "Bavariya" Noyerə iki əvəzləyici tapıb
• “Arsenal”dan Çempionşipə
• “Torino”da yeni müqavilə