“Bir komanda kimi futbola böyük sərmayələr qoyuruq. Bizim ciddi hədəflərimiz var”. Apasport.az saytının məlumatına görə, bu sözləri “Qəbələ” klubunun icraçı-direktoru Alastar Saverimutto deyib.

Əyalət təmsilçisi ilə Türkiyənin “Errea” firması arasında sponsorluq müqaviləsi imzalanıb. 2 ili əhatə edəcək müqavilənin imzalanma mərasimində Saverimutto bildirib ki, əsas məqsədləri “Qəbələ”ni Avropada güclü komandaya çevirməkdir: “Errea” ilə əməkdaşlığımız bizi uğurlara daşıyacaq. 50 milyon funt-sterlinq sərmayə qoymuşuq. Yeni qurğular hazırlayırıq. İngiltərə futbolunun tanınmış siması Toni Adamsı komandaya baş məşqçi təyin etmişik. Bunları Azərbaycan və Avropada uğurlu olmaq üçün edirik. “Qəbələ” Futbol Akademiyasını qurmuşuq və buraya türkiyəli Əli Yavaşı rəhbərlik edir. Bundan əlavə, Adamsın köməkçilərindən biri də türkiyəli məşqçi Fatih Kavlakdır. “Errea” bizə yaxşı bir təklif təqdim etdi. Onlarla razılaşmamızın uzun illər davam edəcəyinə ümidliyik”.

Qeyd edək ki, “Qəbələ” “Errea”dan öncə “Lotto” və “HYUNDAİ AZERBAİJAN”la sponsorluq müqaviləsi imzalayıb.

• Ernandesdən "Milan" qərarı
• Dalota İspaniyadan müştəri
• "Bavariya" Noyerə iki əvəzləyici tapıb
• “Arsenal”dan Çempionşipə
• “Torino”da yeni müqavilə