Futzal üzrə milli komandaların yeni reytinq cədvəli açıqlanıb. Apasport.az saytının məlumatına görə, Azərbaycan yığması beynəlxalq futzal qurumunun yeni siyahısında 4 pillə irəliləyərək, 12-ci yerə yüksəlib.

Komandamızın hesabında 2080 xalı var. Millimiz bu göstərici ilə Avropada yığmaları arasında irəliləməyə nail olub. Belə ki, qitə üzrə son siyahıda 9-cu olan futzalçılarımız indi 6-cı yerdədirlər.

Dünya reytinqinin ilk “üçlüy”ü isə dəyişməz qalıb. Avropa çempionatının seçmə mərhələsində də rəqibimiz olan İspaniya yığması bu dəfə də I pillədəki yerini qoruyub. Onların aktivində 2391 xalı var. İkinci yerdə Braziliya (2351), üçüncü yerdə isə İran (2258) milli komandaları qərarlaşıblar.

Qeyd edək ki, Avropa çempionatının seçmə qrup mərhələsində digər rəqiblərimiz – Fransa və Qazaxıstan isə ilk “20-lik”də yer almayıblar.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA