Araz Abdullayev Liverpula gedir

11.02.2011 - 15:19

İngiltərənin "Everton" klubu “Neftçi”yə rəsmi məktub göndərib. Apasport.az saytının məlumatına görə, məktubda Liverpul təmsilçisinin rəsmiləri "Everton"la müqavilə imzalayan Araz Abdullayevi komandanın məşqlərində iştirak etmək üçün düşərgələrinə dəvət edirlər: “Bir müddət əvvəl Azərbaycana səfərimiz və klublarımız arasında bağlanan razılaşma ilə əlaqədar, Sizi 14 -25 fevral 2011-ci il tarixləri arasında İngiltərəyə, klubumuzun məşqlərinə qatılmağa dəvət edirik. Bu müddət ərzində aşağıda qeyd olunan ünvanda sizi yaşayış yeri ilə təmin etməklə yanaşı, bütün xərcləri üzərimizə götürürük".

Artıq ingilislərin "Neftçi" tərəfindən rəsmi cavab bildirilib. Araza uzunmüddətli viza alınması üçün Böyük Britaniya səfirliyinə müraciət edilib. Abdullayev viza məsələsinin həllindən sonra "Everton"un düşərgəsinə yollanacaq.