“Hələ 1/16 final mərhələsindən demişəm ki, bizim əsas məqsədimiz Premyer Liqaya vəsiqə qazanmaqdır. Kubokda isə komandanı ən yaxşı şəkildə təmsil etmək istəyirik”. Bu sözləri apasport.az saytına açıqlamasında “Abşeron” klubunun baş məşqçisi Mirbağır İsayev deyib.

Ölkə kubokunun 1/4 final mərhələsində mübarizəni davam etdirən yeganə I divizion təmsilçisi olan “Abşeron” sabah “İnter”lə qarşılaşacaq. Təbii ki, həm heyət baxımından, həm də mübarizə apardıqları dəstələri ön plana çəkdikdə, əksəriyyət “bankirlər”in rahat qələbə qazanacağını düşünür.

Bunun nə dərəcədə rəqibin xeyrinə işlədiyini isə İsayev belə izah edib: “Aşağı dəstədə çıxış etməyimizə görə “İnter”in bizimlə oyunda meydana arxayın çıxıb-çıxmayacağını deyə bilmərəm. Bu, bizi maraqlandırmır. Yenə deyirəm, əsas gücümüzü kuboka yox, çempionat oyunlarına yönəldəcəyik. Məqsədimiz yeni mövsümdə Premyer Liqada çıxış etməkdir. Heyəti də indidən formalaşdırmağa çalışırıq ki, yüksək liqaya yüksələndə çətinlik çəkməyək”.

Qış fasiləsi zamanı əsasən gənc oyunçuları heyətinə cəlb edən paytaxt təmsilçisinin çalışdırıcısı hələ ki, narazı qaldığı futbolçu yoxdur: “Komandam hələ məğlub olmayıb. Cəmi 1 qol buraxmışıq. Uşaqların hamısından razıyam”.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu