Martın 11-12-də Fransanın Strasburq şəhərində xaricdə təhsil alan və məzun olmuş azərbaycanlı tələbələrin beynəlxalq forumunun «Azərbaycan 20 – Baxış 2020» adı altında forumu keçiriləcək. Apasport.az saytının məlumatına görə, xarici ölkələrdə təhsil alan və məzun olmuş tələbələrin, xarici ölkələrdə yaşayan və işləyən azərbaycanlı gənclərin, millət vəkilləri, dövlət və qeyri-hökumət təşkilatlarının nümayəndələrinin və səfirlərin qatılacağı forumda AFFA-nın baş katibi Elxan Məmmədov da iştirak edəcək.

Forumda «Şəbəkələşmə və Azərbaycanı təmsil etmənin yeni yolları», «İnsan kapitalı – Azərbaycanın inkişaf prioriteti», «Gənclik və ictimai diplomatiya» və «Azərbaycançılıq – gələcək naminə birlik» mövzuları üzrə müxtəlif müzakirələr aparılacaq və gələcək fəaliyyət istiqamətləri müəyyənləşəcək.

Forumun əsas məqsədi xaricdə təhsil alan və məzun olmuş gənclərin potensialını Azərbaycanın maraqlarını dünya ictimaiyyətinə çatdırılmasına və lobbi işlərinin gücləndirilməsinə yönəltməkdir.

Mənbə: affa.az

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu