“Bir vaxtlar çalışdırdığım “Rapid” klubunun durumu heç də yaxşı deyil. Baş məşqçi Şumudikanın istefası qaçılmazdır”. Apasport.az saytının məlumatına görə, bu sözləri “Xəzər Lənkəran” klubunun baş məşqçisi Mirça Rednik deyib.

Rumıniya mətbuatına açıqlama verən mütəxəssis baş məşqçi dəyişikliyi gözlənilən Buxarestin “Rapid” klubuna qayıdışını mümkünsüz sayır: “Bilirəm ki, Buxarestdə çoxları mənə Aleks Ferqyuson gözü ilə baxır, yayda qayıtmağımı istəyirlər. Lakin mən hələ 2 il Azərbaycanda çalışacağam”.

Rednik Azərbaycana gətirdiyi futbolçuları da tərifləyib: “Rumıniyadan transfer etdiyim oyunçulardan çox razıyam. Onlar “Xəzər Lənkəran”a yaxşı uyğunlaşıblar. Biz orada xoşbəxtik. Rəhbərliyim altında elə oyunçular var ki meydanda səviyyə fərqini ortaya qoya bilirlər”.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu