Beynəlxalq Futbol Tarixi və Statistikaları Federasiyası (İFFHS) dünyanın ən məşhur qapıçılarının siyahısını açıqlayıb. Apasport.az saytının məlumatına görə, ən azı 19 qol vuranların cədvəlində 15 qapıçının adı yer alıb.

Siyahıya braziliyalı Rojerio Seni başçılıq edir. Maraqlıdır ki, bir neçə gün əvvəl 100-cü qolu vurduğu haqda bütün dünyanın yazdığı qolkiperin İFFHS-in siyahısındakı göstəricisi 98-ə bərabərdir. Bu isə təsadüfi deyil.

Belə ki, qurum bəzi oyunçuların qol sayını bu gün yeniləsə də, bir neçə qapıçı ilə bağlı gözləməyi lazım bilib. Elə belələrindən biri də Senidir. Onun 2011-ci ildəki göstəriciləri siyahıda əks olunmayıb.

Qeyd edək ki, 15 bombardir arasında Azərbaycan təmsilçisi də var. Bu, “Turan” klubunun sabiq qapıçısı Nizami Sadıqovdur. Karyerası ərzində 21 qolun müəllifi olan veteran İFFHS-in cədvəlində 13-14-cü yerləri tutur.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu