"Neftçi" rəqibini bütün komponentlərdə üstələdi"

23.04.2011 - 19:03

"Futbolçularımı təbrik edirəm. Növbəti qələbəmizi qazandığımız üçün çox şadam. "Neftçi" rəqibini bütün komponentlərdə üstələdi”. Apasport.az saytının məlumatına görə, bu sözləri Bakının “Neftçi” klubunun baş məşqçisi Arif Əsədov,deyib.

41 yaşlı mütəxəssisi Azərbaycan Premyer Liqasının XXVIII turunun “Bakı” ilə oyununda (2:0) rəqibi üstələdiklərini düşünür: “Futbolçularımızın hamısından razıyam. Rail Məlikovla Ruslan Abışovu əvəzləməyimin səbəbi onların yorğun olması idi. Çünki hər iki futbolçu yığma komandanın düşərgəsindən yenicə dönüb. “Bakı” klubuna kubok oyunlarında uğurlar arzulayıram".

Mənbə: pfl.az