Dünyanın ən bahalı futbol klublarının yeni siyahısı müəyyənləşib. Apasport.az saytının məlumatına görə, məşhur “Forbes” jurnalının mütəmadi tərtib etdiyi siyahının ilk “20-liy”ində yalnız Avropa komandaları qərarlaşıb.

Özü də bu klubların hamısı “Böyük beşliyi” təmsil edirlər. Siyahıda İngiltərə, Almaniya hərəyə 6, İspaniya İtaliya hərəyə 3 və Fransa 2 komanda ilə yer alıb.

Son 8 ildə 1-ci pilləni heç kimə verməyən İngiltərə nəhəngi - “Mançester Yunayted”in isə mövqeyində dəyişiklik baş verməyib. Dəyəri 1,86 milyard dollar olan “qırmız şeytanlar”ı ən yaxın izləyiciləri “Real”dan 41 milyon dollar ayırır. “İlk üçlüyü” isə “Arsenal” qapayır.

1. “Mançester Yunayted” (İngiltərə) – 1,86 milyard dollar
2. “Real” (İspaniya) – 1,45 milyard dollar
3. “Arsenal” (İngiltərə) – 1,19 milyard dollar
4. “Bavariya” (Almaniya) – 1,1 milyard dollar
5. “Barselona” (İspaniya) - 975 milyon dollar
6. “Milan” (İtaliya) – 838 milyon dollar
7. “Çelsi” (İngiltərə) – 658 milyon dollar
8. “Yuventus” (İtaliya) – 628 milyon dollar
9. “Liverpul” (İngiltərə) – 552 milyon dollar
10. “İnter” (İtaliya) – 441 milyon dollar
11. “Tottenhem” (İngiltərə) – 412 milyon dollar
12. “Şalke” (Almaniya) – 372 milyon dollar
13. “Lion” (Fransa) – 358 milyon dollar
14. “Hamburq” (Almaniya) – 340 milyon dollar
15. “Mançester Siti” (İngiltərə) – 291 milyon dollar
16. “Ştutqart” (Almaniya) – 281 milyon dollar
17. “Verder” (Almaniya) – 279 milyon dollar
18. “Marsel” (Fransa) – 277 milyon dollar
19. “Atletiko” M (İspaniya) – 275 milyon dollar
20. “Borussiya” D (Almaniya) – 260 milyon dollar

• Ronaldo "Əl-Nəsr"lə şərik olacaq
• PSJ-nin hücumçusu “Yuventus”la anlaşıb
• Nuri Şahin gedir, Ten Haq gəlir
• Premyer Liqanı Bundesliqaya dəyişəcək
• Avropanın rəmzi komandası açıqlanıb