“Qarabağ” “Xetafe”ni ötdü, “Xəzər Lənkəran” yenə üçüncüdür

16.05.2011 - 13:43

Avropanın ən güclü futbol klublarının siyahısı açıqlanıb. Apasport.az saytının məlumatına görə, qitənin ən nüfuzlu statistika portallarından “infobank” son 1 ilin ən yaxşı 437 komandasının siyahısını müəyyənləşdirib. Hər həftə yenilənən sıralamaya Azərbaycanın 7 komandası da düşüb.

Təmsilçilərimizdən “Qarabağ” və “Xəzər Lənkəran” son 1 həftədə irəliləyişə nail olubsa, AZAL yerində sayıb, digərlərisə aşağı yuvarlanıb. “Qarabağ”ın 1 həftədə arxada qoyduğu komandalar arasında Avstriya “Rapid”i, İspaniya “Xetafe”si kimi klublar da var.

Ötən il bu vaxt 345-ci olan “Xəzər Lənkəran” isə bu müddətdə ən böyük tərəqqi edən 3 komanda sırasına düşüb. 229 pillə irəliləyən Mirça Rednikin yetirmələri yalnız Finlandiya “MüPA-sı və Moskva “Spartak”ından geri qalır. Cənublular bir neçə həftə əvvəl də inkişaf edənlər arasında Avropa üçüncüsü idi və indi bu mövqeyini qaytarıb.

73 (ötən həftə 80-cı). “Qarabağ” – 51.74
116 (126). “Xəzər Lənkəran” – 38,87
176 (162). “Neftçi” – 29,81
200 (196). “İnter” – 28,17
258 (222). “Bakı” – 23,08
279 (279). AZAL – 21,90
428 (425). “Simurq” – 2,88

Qeyd edək ki, siyahıya İspaniyanın “Real” (154,10) və “Barselona” (141,92), həmçinin İngiltərə “Mançester Yunayted” (141,05) klubları başçılıq edir.